М.Шкетан лӱмеш Марий драме театр у спектакльым темла

М.Шкетан лӱмеш Марий драме театр 20 ноябрьыште 16.00 шагатлан «Кум ака-шӱжар» марий йомакым ончыкта.

Автор да режиссер – Василий Пектеев, художник – Татьяна Батракова, мурылан семым Надежда Кульшетова возен.

Йомак аван икшыве-влак дене пырля чодыраш коштмо сӱрет гыч тӱҥалеш. Саскам, поҥгым поген толшо Начи, Чачи, Лычи ӱдыржӧ-влаклан Сылнывий пӱртӱсым, кушкыл ден янлык-влакым аралаш кӱлмӧ нерген туныктен ойла.

Но ончыл верыш ача-ава ден йоча-влак кокласе кыл йодыш лектеш. Илен-толын, кумыт кокла гыч черле аваж деке ик ӱдыржӧ веле вашка. Тудым ош тӱняшке кондышо, пукшен-йӱктен, туныктен, йол ӱмбаке шогалтыше лишыл еҥылан икшыве полшаш кумылан огыл. Молан? Теве мо нерген шонкалаш амалым пуа тиде спектакль.