15 мартыште Йошкар-Олаште гармоньчо ден семӱзгарым шоктышо-влакын «Изи гармоньчо» регион-влак кӱкшытан фестиваль-конкурс эртаралтеш.
Тушко ныл але вич ияш гыч 17 ияш марте ӱдыр-рвезе-влак ушнен кертыт.
Конкурсын ойырен налме туржо тиде кечынак 11 шагатлан Мер-политик рӱдерыште тӱҥалеш.
Сольно выступатлыше-влак кок номинацийыште: гармонь шокташ шке гыч тунемше да профессионал педагогын полшымыж дене шоктышо – таҥасаш тӱҥалыт.
ПАЛЫЗА!
Эн тале да мастар, гран-прим сеҥен налше гармоньчым ГАРМОНЬ вуча!
Семӱзгарым шоктышо самырык йолташна-влак! Конкурсыш ушнаш вашкыза, тыгай шергакан пӧлек ТЕНДАН лийын кертеш.
Тидлан кок сомылым ыштыман:
1. 5 март марте mari-centr_konkurs@mail.ru электрон адресыш йодмашым возыман;
2. Кок номерым ямдылыман: конкурслан да гала-концертыште йоҥгалтараш.
Конкурсыш ушнаш йодмашдам вучен кодына. Лекше йодышым 8(8362) 45-88-51 номер дене рашемдыза.
«Изи гармоньчо» фестиваль-конкурсым Марий тӱвыра рӱдер Мер Каҥаш да Тӱвыра, савыктыш да калык-влакын пашашт шотышто министерствын полшымышт дене эртара.