Марий Эл Республикын Виктер Вуйлатышын алмаштышыже – Тӱвыра, савыктыш да калык-влакын пашашт шотышто министрже Константин Иванов Марий тӱвыра рӱдерын коллективше дене вашлийын.
Марий Эл Республикын Виктер Вуйлатышын алмаштышыже тӧнежын у вуйлатышыже Ирина Якаева дене палдарен. Тудо вуйлатыме сомылым директор должностьыш конкурсым эртарыме марте шукташ тӱҥалеш.
«Ирина Геннадьевна республикыште сайын палат, пеш активнын пашам ышта, авторитетше изи огыл, ятыр кугу мероприятийым илышыш шыҥдарен шога. Тӱвыра сферыште паша опытшо кугу, рӱдерын пашажым сайын умбакыже шуяш тӱҥалеш, манын ӱшан уло», – палемден Константин Анатольевич.
Вашлиймаш годым ончыкылык паша планым радамлыме.
Пытартышлан Константин Иванов марий калыкын тӱвыражым аралымаште да вияҥдымаште тыршымылан тӧнежын пашаеҥже-влаклан тауштен.