Йошкар-Олаште «Теле кас» марий концерт лиеш

2022 ийым Марий Элын тӱҥ кожшо воктен тӱшкан, муро-куштымаш дене ужаташ, У ийым пеледше кумыл дене вашлияш Марий тӱвыра рӱдер полша.

29 декабрьыште Йошкар-Олаште, Ленин лӱмеш площадьыште, «Теле кас» марий концерт лиеш. 18 шагатлан тӱҥалеш.

Пайрем кас мурылан, куштымашлан поян лиеш. «Мур пеледыш», «Чон оҥгыр» фольклор коллектив-влак да тале гармоньчо Эльвира Петрова, «Кас сем» вокал группо да марий бард Геннадий Григорьев, мурызо-влак Сергей Пакеев ден Ирина Якаева, Майя Ахметянова да «Каче-влак» группо, «Падыраш» йоча фольклор ансамбль дене пырля мурен-кушташ, Йӱштӧ кугыза ден Лум ӱдырын саламлымашышт дене кумылым шокшемдаш ӱжына.

«Теле касыште» вашлиймешке, йолташ-влак!