Массовый информаций средстве-влакын пагалыме пашаеҥышт, издатель ден полиграфист-влак! Профессионал пайрем кечын тыланда ш¢м гыч лекше шокшо саламым колтем!
Российыште журналист профессий эше кумшӱдӧ утла ий ожно Петр I кугыжан кумылжо почеш шочын. Тудо элыштына савыкталташ тӱҥалше «Ведомости» лӱман икымше газетын учредительже лийын да шкежак тушан тӱрлӧ статья ден очерк-влакым возен. Кызытат тиде профессий ик эн кӱлешан лийын кодеш.
Журналист пашам ойырен налше-влак кумда шинчаончалтышан, волгыдо уш-акылан да усталык ш¢лышан лийшаш улыт. Мер калыклан тӱрлӧ теме дене кылдалтше увер-влакым жапыштыже намиен шуктеда, ятыр еҥын тургыжландарыше йодышыжлан раш вашмутым пуэда.
Таче Марий Элыштына икмыняр радио ден телеканал-влак пашам ыштат, шуко газет ден журнал савыкталтыт. Интернет вот полшымо денат увер-влакым шаркален колташ ятыр йӧн уло. Россий ден тӱнямбал журналистикын сай йӱлажлан эҥертен, уым кычалын, технический базым уэмден толмо дене сай лектышыш шумо. Тидым Марий Элысе журналист-влакын российысе ден республикысе конкурслаште сеҥымашышт пеҥгыдемдат.
2021 ийын икмыняр савыктыш шкенжын лӱмгечыжым палемдыш. Российын ик эн сай лу газетше радамышке логалше «Марийская правдалан» ик курым теме. Килемар районысо «Восход» газет кандашле ияш лӱмгечыжым вашлие. Самырык-влаклан арня еда лектын шогышо «Кугарня», кундемнан кок олаштыже савыкталтше «Йошкар-Ола» ден «Ведомости Козьмы и Дамиана» газет-влак кумло ий лудшо-влакым куандарат.
Массовый информаций средстве-влакын пашаеҥышт ден ветеранышт-влаклан пеҥгыде тазалыкым, пиалым, пашаште сай лектышыш шуаш да тиражым ешарен толаш тыланем!
Марий Эл РеспубликынТӱвыра, савыктыш да калык-влакын пашашт шотышто министрже К.А.Иванов