26 апрельыште Казаньысе «Мир» кинотеатрыште Марий кино кече эрта. Тушто «Салика» фильмым ончыкташ палемдалтеш.
Тиде кечын тудым Татарстанысе марий яллаштат ужын кертыт. «Мир» кинотеатрыште эше кином сниматлыше-влак дене усталык вашлиймаш лиеш. Тушко «Салика» фильмын режиссержо, РФ-н сулло, РМЭ-н калык артистше Василий Домрачевым ӱжыныт.
Фильмым Шкетан театрын тыгаяк лӱман спектакльже негызеш ыштыме, тудым Морко район Унчо кундемыште, тыгак Йошкар-Ола воктенсе кундемыште войзымо.
Палемден кодыман, фильмым Татарстанысе «ОСКАР-РЕКОРДС» продюссерский рӱдер сниматлен, прокатыш 2010 ийыште лектын. Калык тиде уверым пеш куанен вашлийын, Шкетан театрыште ик кастене почела кок сеанс лийын. «Саликам» Эстонийыште Родо-тукым кечыла жапыште, тыгак Венгрийыште эртыше «Транссибирский транзит» фестивальыште ончыктымо.
Шкетан театр