Одо кундемыште – марий тӱвыра кече

25 апрельыште Ижевск олаште марий тӱвыра кече кумшо гана эртаралтеш. Тудо Марий талешке кечылан пӧлеклалтеш.

Мероприятийым «Одо Мари Ушем» мер организаций Удмурт Республикын национальный политике министерствын да Калык-влакын келшымаш пӧртыштын полшымышт дене эртара,

Тӱвыра кечыш верысе марий мер ушем-влак, активист-влак ӱжалтыт. Мероприятий кышкарыште «Калыкемын талешкыже» («Национальный герой моего народа») конкурсым увертарыме. Кажне коллектив вашӱчашыш шке кундемысе талешке нерген сылнымут да сем композицийым ямдылышаш.

Тиде кечынак «Одо Мари Ушем» регион кокласе мер организацийын черетан конференцийже эрта.

Марий тӱвыра рӱдер