Журналист да литераторын шочмо кечыже

30 октябрьыште С.Г. Чавайн лÿмеш национальный библиотекыште «Марий краевед» клубын заседанийже лиеш. Тудо журналист, Марий Эл Республикын С.Г. Чавайн лÿмеш кугыжаныш премийжын лауреатше, Марий АССР-ысе тÿвыран сулло пашаеҥже Гельсий Зайниевын 75 ияш лÿмгечыжлан пöлеклалтеш. Гельсий Зайниевич Зайниев Пошкырт кундем Мишкан районышто шочын. Н.К. Крупская лÿмеш Марий кугыжаныш пединститутын историй-филологий факультетшым тунем пытарен. Журналист корныжо «Марий коммуна» газет гыч тÿҥалын. Тушто 23 ий утла тыршен. Корреспондент, тÿвыра, сымыктыш да сылнымут пöлкам вуйлатыше, ответственый секретарь, кусарыше лийын. Вара кум ий наре «Кече» журналыште тÿҥ редакторын алмаштышыжлан ыштен. 1993-2005 ийлаште - «Ончыко» журналысе пöлкан редакторжо. Г.З. Зайниев – марий сылнымутын да сымыктышын палыме еҥже-влакын биографийыштым шымлыше, 300 наре материалын авторжо (тушто марий сылнымут историйже почылтеш), С.Г. Чавайн лÿмеш национальный библиотекын кажне ийын савыктыме «Календарь знаменательных и памятных дат Марий Эл» савыктышын чолга участникше. Гельсий Зайниевич ик гана веле огыл «Марий Элын идалыкысе книгаже» конкурсын лауреатше лийын: 2006 ийыште – «Илыш муро» кнгигалан, 2012 ийыште –«Колымшо курым» книгалан. Лÿмгече касыште тудын «Время. Жизнь. Литература» у книгажын презентацийже лиеш. Ты выпускым Марий Элысе писатель-влак ушемын 80 ияш лÿмгечыже вашеш савыктен. Книга ушемын шочмыжо нерген каласкала, тушто марий сылнымут вияҥме корныж нерген каласкалыше документ-влак, тÿвыра илыш гыч хронике улыт, чыла вуйлатыше-влакын кÿкык биографийыштым муаш лиеш. «Кугарня» газетын ответственный секретарьже Ирина Золотарева

АКТУАЛЬНОЕ

Полезные ресурсы

Официальный портал Республики Марий Эл
Министерство культуры Российской Федерации
Федеральное агентство по делам национальностей (ФАДН)
Комиссия по вопросам информационного сопровождения государственной национальной политики
Федеральная целевая программма "Культура России"
Приволжский федеральный округ Российской Федерации
© 2017, Министерство культуры, печати и по делам национальностей Республики Марий Эл
424002, Йошкар-Ола, ул. Кремлёвская, д. 41, тел.: +7 (8362) 45-09-63,
Яндекс.Метрика