Калык йӱла пайрем – фотографын шинчаже дене

«Калык пайрем-влак» регион-влак кокласе фотоконкурсым Республикысе марий тӱвыра рӱдер Россий тӱвыра пашаеҥ-влакын пайремыштлан увертарен ыле.

Вашӱчашыш Марий Элысе районла, Татарстан, Пошкырт, Виче да Угарман кундемла гыч 39 еҥ ушнен. Чыла конкурсант тӱвыра аланыште тыршат. Паша-влак марий, руш, татар калык-влакын пайремыштым: «Шорыкйол», «Ӱярня», «Кугече», «Сабантуй», «Навруз», «Семык», «Яблочный спас», «Покров» Пеледыш айо», «Сӱрем», «Корак сӧрмарий», «Морко сӱан», «Шудо жап», «Пеледыш пайрем» – почыныт.

Конкурсышто икымше верым Светлана Николаевна Тимофеева (Морко район Шале ялысе тӱвыра пӧрт) «Морко сӱан» пашаже дене налын.

Айсылу Зуфаровна Сайфуллинан (Кульбаш ялысе клуб) «Сабантуй» фотопашаже кокымшо верыш лектын.

Альбина Анатольевна Шаблакова (Виче кундемысе марий тӱвыран Областной рӱдерже) «Пеледыш пайрем» фотопаша дене кумшо верыш лектын.

Сеҥыше-влаклан Чап таныкым да шергакан пӧлекым 30-шо мартыште. «Самырык тукым» республикысе йоча усталык конкурсым иктешлыме годым, кучыктат.