Теле пытымым, шошо пагыт толмым Ӱярня пайрем увертара

small_mari_ryder.jpgРеспубликысе марий тӱвыра рӱдер 25 февральыште Йошкар-Оласе рӱдӧ каныме паркыште республик кӱкшытан «Ӱярня мелна» пайремым эртара. Пайрем мероприятийым районла гыч, тыгак Виче кундем «Уржум сем» да Пошкырт кундем Мишкан район гыч толшо «Акарт» фольклор коллектив-влак сӧрастарат.

Пайремыш толшо уна-влак эн ончыч В.П.Никонов лӱмеш площадьыште погынат, варажым С.Чавайн лӱмеш бульвар дене Рӱдӧ каныме паркыш ошкылыт. Пайремыш толшо калыклан шокшо мелнам темлат. Кажне кумылан еҥ курык гыч ӱярня вара дене мунчалтен да тӱрло калык модыш дене модын кертеш.

Республик кӱкшытан йоча Уярня пайрем тений кумшо гана эртаралтеш. Тудым 26 февральыште Морко район Шордӱр тӱҥ школышто эртараш палемдыме. Йоча Ӱярня пайрем тӱрлӧ конкурслан поян лиеш.

Пайрем 10 шагатлан тӱҥалеш.