Марий калыкын I погынжо эртаралтмылан - 100 ий

100(2).pngМарий Эл Республике Виктерын кӱштымашыже негызеш Марий калыкын I погынжым эртарымылан 100 ий теммылан пӧлеклатше мероприятий-влакым эртараш оргкомитетым чумырымо, паша планым пеҥгыдемдыме.
Марий Элыште да марий-влакын тӱшкан илыме кундемлаште идалык мучко шанче-практик конференций, форум, "йыргешке ӱстел" йыр мутланымаш, тӱрлӧ ончер да конкурс эрташ тӱҥалыт, усталык вашлиймаш-влак калыкнан эртыме корныжо дене палдарат.