Марий Эл Республикын колыштмо-ончымо документ-влак кугыжаныш архившылан – 15 ий

book_icon_0.jpgМарий Эл Республик Виктерын 2001 ий 8 ноябрьысе 371-ше номеран пунчалже почеш, 2002 ий 1 январь гыч Марий Эл Республикын колыштмо-ончымо документ-влак кугыжаныш архившым почыныт. Архивын тӱҥ задачыжлан документ-влакым кӱлеш семын аралымаш, кугыжаныш учет, архивым колыштмо-ончымо документ-влак дене шке жапыштыже пойдарен шогымаш, документ-влакым моштен кучылтмаш шотлалтыт. Тӱҥалтыш пагытыште архивым Елена Петрова, Александр Сидоров вуйлатеныт, пытартыш вич ий жапыште директорын сомылжым Инесса Степанова шуктен шога. Архивысе документ-влак ныл коллекций дене аралтыт. Тиде - тӱшка дене видеодокумент, фотодокумент да кинодокумент-влак. Чылаже архивын фондыштыжо 14 тӱжем утла аралтыш чот, 32 тӱжем утла шотымо чот улыт.
Тачысе кечылан архивыште 14 еҥ шотлалтеш. Латвич ий жапыште тӱрлӧ вашталтыш лийын гынат, архив паша эре кушкын толын.