Олык Ипай лӱмеш премийын лауреатше-влак

2015-2016 ийласе лектыш почеш Олык Ипай лÿмеш сылнымут, тÿвыра да сымыктыш пашаште Марий Эл Республикысе самырык-влаклан кугыжаныш премийын лауреатше-влак пале улыт. Комиссийыш чылаже тений 14 паша пурен. Олык Ипай лӱмеш премий сылнымутышто, самыктыш, тӱвыра да шанче аланыште усталык дене ойыртемалтше самырык еҥлан пуалтеш.

Лауреат лӱм дене палемдалтыныт:

Марий Эл Республикысе йоча да самырык-влаклан театр-рӱдерын режиссер-постановщикше Эрвина Геннадьевна Гордеева, актёржо Алексей Сергеевич Кудрявцев, актрисыже-влак Наталья Андреевна Николаева ден Ольга Анатольевна Федотова «И с нами голуби» спектакльлан;

Тӱрлызӧ Марина Геннадиевна Гаврилова «Ах, тувырем, ах, сывынем» да «Юзо пӱшкыл» марий вургем коллекций-влакым ыштымыжлан;

Декоративно-прикладной сымыктыш сӱретче Полина Валерьевна Метелькова «Мыйын тӱням» лӱман керамике пашаже-влаклан;

Поэт Раисия Борисовна Сунгурова «Чайгоркаште сандалык» почеламут сборникшылан;

«12 Регион телекомпанийын» редакторжо Мария Сергеевна Шавкунова, телеоператоржо Николай Валентинович Азиков да режиссёржо Александр Сергеевич Гаврош «Переходя на личности» телевизионный программе-влак циклым ямдылымыштлан;

Эрик Сапаев лӱмеш опер да балет театрын артисткыже Екатерина Николаевна Байбаева П.И. Чайковскийын «Щелкунчик» балетыштыже Машан, П.И. Чайковскийын «Лебединое озеро» балетыштыже Одетта-Одилиян да Ф. Мендельсонын «Сон в летнюю ночь» балетыштыже Титаниян образ-влакым чоҥымылан.

Палемдыман, Олык Ипай лӱмеш сылнымут, тÿвыра да сымыктыш пашаште Марий Эл Республикысе самырык-влаклан кугыжаныш премий кок ийлан ик гана пуалтеш.

Марий Эл Республикысе тӱвыра министертсвын пресс-службыжо